Një person në Gjakovë gjendet pa shenja jete
Raportohet se një person është gjetur pa shenja jete sot në Doblibare të Gjakovës, transmeton gazeta "Kosova Sot Online".
Lajmin e ka konfirmuar zëdhënësi i Policisë për rajonin e Gjakovës, Sheremet Elezaj.
Ai tha se rasti është iniciuar si “Hetim i vdekjes” dhe trupi i pajetë do të dërohet në IML për obduksion.
“Rreth orës 16:30 është raportuar se viktima mashkull i moshës madhore është gjetur pa shenja jete në vendbanimin e tij në fshatin Doblibare-Gjakovë. Në vendin e ngjarjes kanë dalë njësitet e nevojshme policore si dhe ekipi mjekësor të cilët kanë konstatuar vdekjen e viktimës. Me vendim të prokurori të shtetit është iniciuar rast “hetim i vdekjes”, ndërsa trupi i pa jetë do të dërgohet në IML për obduksion”, tha Elezaj
(Kosova Sot Online)
